Ağacanlıdan aşağıda «Çayqarışanla» üzbəüz Gilançayın sağ sahilində, Abdal dağlannın şərq ətəklərində Əmirkəndi adlanan ərazi vardır.

Ağacanlıdan aşağıda «Çayqarışanla» üzbəüz Gilançayın sağ sahilində, Abdal dağlannın şərq ətəklərində Əmirkəndi adlanan ərazi vardır. Bu ərazinin sahəsi təxminən 16-17 ha olar. Ağacanlıda olduğu kimi, burada da suvarılan ərazilər bağabağat sahəsindən, demyə ərazilər isə əkin və örüş sahələrindən ibarətdir. Bu yerin adından da göründüyü kimi, burada əvvəllər kənd olmuşdur. Kənd içərisində kənd - binə rolu oynayan və bir neçə evdən ibarət olan bu kiçik  kəndin xarabalıqları Diziqayanın dibində indi də izlənilir. Biləvdəki Əmirli nəslinin nümayəndələri XVIII əsrin ortalarından baş- layaraq XIX əsrin ortalarınadək burada yaşamışlar. Burada- kı kəndin adı da həmin nəslin başçısı Əmir kişinin adından götürülmüşdür. Əmirkəndinin də ayrıca qəbiristanlığı olmuşdur. Burada da bəzi qəbirlərin üstünə daş qoç heykəlləri qoyulmuşdur. Qəbiristanlığın izləri və daş qoç heykəllərinin qırıqları indi də qalmaqdadır. Əmirkəndi ərazisində də bağ- bağat sahəsinin şimal hissəsi indi artıq Biləv HES-in su anbarı ilə örtülmüşdür. Bu qədim kəndin yerində isə indi yenidən tək-tək evlər tikilməsinə və yeni məhəllə salınmasına başlanmışdır.

Böyük ehtimalla güman etmək olar ki, haqqında danışdığımız Əmirkəndi Biləvdə yaşayan Əmirli (Əmirovlar) nəslinin banisi Əmir kişinin adı ilə adlandırılmışdır. Əmirli Nəsil Biləvdə tanınmışnəsillərdən biridir. Bu nəslin nümayəndələri Qurban, Mehman, Fariz, Limunə və s. Əmirovlar (Əmirlilər), onların övladları indi Biləvdə və Bakıda yaşayırlar.

• Tarix:2015-05-27